Footer

Empleada ti munisipio, nasipdutan

CANDON CITY –  Maysa a municipal employee iti upland municipality ti nasipdutan iti McDonald ditoy itay lawasna.

Nagerret ti bag ni Rosalina Biteng y Gallardo, 58, empleado ti munisipio ken residente iti Barangay San Miliano, San Emilio, Ilocos Sur ket nakurimes ti Ecard, ATM, IDs ken P8,000 a kuartana.

Iti pulongna iti pulis ditoy, kinuna ti biktima a nangan nga immuna iti McDonald sa nagturong iti Stern Mall tapno aggroseri.

Ngem idi umuneg iti pagtagilakuan, nakigtot laengen ta nakitana a nagerret metten ti bagna.

Ti baket a nakilinia kenkuana iti likudanna ti suspetsa ni Biteng a nangsipdut iti kuartana.#