Footer

Integrated Farming, itandudo ni Savellano

VIGAN CITY – Indagadag ni Gob. Deogracias Victor “DV” Savellano ti pannakaipakat ti integrated farming tapno ad-adu ti pakausaran dagiti daga ditoy probinsia.

Kinuna ni Savellano a kayatna a maipakat ti integrated farming iti probinsia gapu iti nakitana a balligi ti Palay Yamanan, maysa a rice based model farm a masarakan iti ag-80 ektaria a daga ti PhilRice sadiay Muñoz City. Nueva Ecija, iti pannakaidur-as ti agrikultura.

Iti nasao a model farm, no nalpasen ti rice season, mamulaan dagiti talon iti agduduma a nateng kasta met nga agbalin a lugar para animal production, aquaculture, crop production ken waste recycling wenno organic farming para iti pannakapaadda ti agtultuloy  a suplay ti makan, dakdakkel a kita ken economic stability, maingato ti farm productivity, maksayan ti risgo ti produksion ken makatulong pay iti pannakamantiner ti diversity ken ecological balance.

“Masapul a back to basictayon. Imbes a gumatangtayo ti nateng, ikan wenno karne, agmula ken agtarakentayo laengen kadagitoy. Agbalin pay a nayon a pamataudan ti pamilia,” kinuna ni Savellano.

Kabayatanna, impakaammo ni PhilRice Director Leocadio Sebastian a madadaan ti opisinana a mangsungbat iti aniaman a saludsod dagiti mannalon maipanggep iti panagmula iti highbreed a pagay ken Palay Yamanan babaen ti Open Academy for Phil. Agriculture wenno (OPAPA) a programada. Itext laeng dagiti saludsod babaen ti panangisurat iti nagan ken adres sa ipatulod iti cellphone number 0920-911-1398.

“Babaen iti daytoy a wagas, ad-adu a mannalon ti maserbiantayo,” kinuna pay ni Sebastian.#

Comments are closed.