Footer

Barito, binugbog 3 lallaki

CANDON CITY – Tallo a lallaki ti nangbugbog iti maysa a barito bayat ti panagpalpana iti plasa ditoy.

Nabigbig ti barito a ni Arjay Carlos, 14, residente iti barangay Luba, Sta. Lucia, Ilocos Sur idinto a nainaganan ni Noel Galima, 23, residente iti San Isidro ditoy siudad a maysa kadagiti nangkabil kenkuana.

Segun iti polis, napan nagpalpa iti plasa  ti biktima ken ni Gilbert Gadingan, 15, kalugaranna, kalpasan ti pannanganda iti mami iti agarup alas kuatro ti parbangon ket tallo a lallaki ti immasideg kadakuada sada kinabil ida nga awan ti gapuna.

Iti follow-up operation dagiti polis, natiliw ni Galima a binigbig ti biktima a maysa kadagiti nangkabil kenkuana.#