Footer

Madrigal Foundation, nangted libre nga agas iti medical, dental missions iti Pangasinan

SAN FERNANDO CITY – Saan laeng nga iti Ilocos Sur ti tumultulongan ti Madrigal Foundation iti medical mission no di pay iti Pangasinan.

Nagyaman ni PNP Regional Director Police Chief Supt. Leopoldo N. Bataoil ken ni Ma. Ferl Madrigal, presidente ti Madrigal Foundation gapu kadagiti intulongna a libre nga agas kadagiti naggiddan a medical ken medical mission a naangay iti Bugallon ken Lingayen, Pangasinan itay Enero 12.

Dinayaw met ni Bataoil ti local government units ti Bugallon ken Lingayen, provincial health office ti Pangasinan ken ti Kiwanis Club of Dagupeña gapu iti pannakitinnulongda iti nasao a mission.

Segun ken ni Bataoil, agdagup iti 1,100 a pasiente dagiti naipaayan iti serbisio medical ken 233 dagiti naserbian iti dental manipud iti Barangay Salasa, Bugallon ken Barangay Tonton, Lingayen.

Ni Madrigal ti maysa kadagiti kangrunaan a mangipapaay iti libre nga agas kadagiti medical missions nga ang-angayen ti provincial government ti Ilocos Sur.

Timmulong pay iti pannakapaadda dagiti ambulansia a naited kadagiti district hospitals iti Ilocos Sur.

Nangipasan ti sangguniang panlalawigan iti resolusion a mangadaptar ken ni Madrigal a kas anak ti probinsia.#

Comments are closed.