Footer

Maluktan, kalsada Cabugao-Nueva Era, Danglas, Abra

NARVACAN, Ilocos Sur – Maluktan ti kalsada manipud Cabugao, Ilocos Sur nga agturong iti Nueva Era, Ilocos Norte ken iti Danglas, Abra, segun iti dati a commanding officer ti 503rd Infantry Brigade ti Philippine Army a nakabase iti Barangay Sulvec, ditoy.

Kinuna ni  Rirao nga isayangkat ti 503rd  Infantry Brigade ti nasao a proyekto babaen ti Army Engineering kas paset ti development aspect dagiti maseknan a lugar.

Naiyawat ti komandansia ti 503rd Infantry Brigade ken ni Col. Pompeyo Limbo  iti naangay a change of command ceremony itay Enero 15. 

Agtakem ni B/Gen. Loreto Rirao kas Assistant Division Commander ti 6th Infantry Division sadiay North Cotabato.

“Iti daytoy a national project, maipursigi a maluktan ti Danglas (Abra) nga agturong iti Nueva Era,” kinuna ni Rirao idinto nga innayonna a dakkel ti  potensialna a maluktan ti kalsada ti Cabugao-Nueva Era, agsipud ta madalanan ti maysa a dati a paggigianan dagiti kameng ti New People’s Army (NPA).

“Naipakaammon daytoy ken ni Presidente Arroyo idi bimmisita iti  Santiago (Ilocos Sur) tapno kitaenna dagiti proyekto a maipasdek iti nasao a lugar,” kinuna ni Rirao.

Kinunana a nalpasen ti proposal a mangaramid iti road opening nga isayangkat ti 513rd Engineering Army Brigade.

Kinuna pay ni Rirao a insayangkatda pay nga umuna ti aerial reconnaissance sada rinetrato ti maluktan a kalsada  agsipud ta aglasat daytoy iti bantay ket narigat a mauli.#

Comments are closed.