Footer

Siargao, La Union, kampeon iti surfing competition

CABUGAO, Ilocos Sur – Ti Siargao ken La Union dagiti kampeon iti Cong. Ronald Singson Inaugural Surfing Competition a naangay iti Barangay Sabang ditoy itay Enero 17-18.

Inyawid ni Editho Alcala manipud Siargao ti premio a P30,000 ken tropeo kas kampeon iti men’s open division idinto a P15,000 ken tropeo ti  premio ni Vilmer Velasquez ti La Union iti panangabakna iti junior division.

Inyalat met ni Daisy Valdez, taga-La Union, ti women’s special session ket immawat iti P2,000 ken tropeo.

Aganay 80 a surfers manipud iti agduduma a paset ti pagilian ti nagsasalisal iti nadakamat a kompetision.

Idi koma Disiembre 10-13, 2007 ti kompetision ngem naiyalud-od iti Enero 17-18 gapu iti kaawan ti dadakkel a dalluyon.#

Comments are closed.