Footer

120 nagturpos a CAFGU

BADOC, Ilocos Norte- Impakaammo ni  S/Sgt. Marcelo Garcia  a 120 ti agbalin a kameng ti CAFGU  kalpasan ti mass graduation dagitoy a naangay iti municipal gymnasium ti Badoc, Ilocos Norte idi Enero 18, 2008.

Kinuna ni Garcia bayat ti programa ti Philippine Army nga “Oras ti Soldado” iti DZTP Radio Station a nagdalan dagiti 120 a recruit a naggapu iti ili ti Nueva Era, Pinili, ken Badoc iti Ilocos Norte ken iti Sinait ken Cabugao iti Ilocos Sur iti tallo a bulan a nainget a panagsanay.

Kas kameng ti armada, pakairamanan kadagiti benepisio a maited kadagiti kabarbaro a CAFGU ti P2,700 binulan nga honorarium, medical ken insurance benefits, ken ti posibilidad a permanente nga enlistment iti Philippine Army, kinuna ni Garcia.

Manamnama a maangay ti sumaruno a training iti maikadua a distrito  ti Ilocos Sur.#

Comments are closed.