Footer

Bangkay ti lalaki, naisadsad

CANDON CITY – Aksidente ti pannakalmes ni Reynaldo Rabe, 47, residente iti Barangay Patpata, segun iti inbestigasion dagiti polis ditoy.

Narekobre ti bangkay ni Rabe iti igid ti baybay a sakup ti Barangay Bical, Sta. Lucia, Ilocos Sur iti agarup alas singko ti malem ti Enero 24.

Segun iti katugangan ti biktima, nagpakada ni Rabe a mapan agdigos agsipud ta pudoten gapuen iti panaginomda iti kallabes a rabii. Saanen a simmangpet.

Naammuan laengen ti pamilia ti biktima a naisadsad ti bangkay daytoy iti nadakamat a barangay.#