Footer

Kagawad, tinagbat ti kalugaranna

SANTIAGO, Ilocos Sur.  Maysa a kagawad ti barangay ti tinagbat ti kabarangayanna iti Poblacion Sur gapu iti mapapati a dakes a damag a naidanon kenkuana.

Kas maibasar iti police blotter, agtugtugaw ni  Marcelino Manzano, 44, iti asideg ti balayda idi immasideg  ni Romeo Batin, 34, kalugaranna ket tinagbatna ti kagawad. Nupay nasugatan, nagtaray ti biktima ngem kinamat ti suspetsa. Inatipa dagiti kakabagianda ti suspetsa.

Naitaray ti biktima iti Candon City Hospital gapu iti sugat a linak-amna idinto a naipaima iti  kustodia ni kapitan Mario Singson ti suspetsa.#