Footer

Nakasabbikel iti paltog, tiniliw dagiti polis

STA. MARIA, Ilocos Sur – Inaresto dagiti polis ti maysa a baro nga adda ikutna nga armas bayat ti panaginomna iti maysa a videoke bar iti tiendaan ditoy.

Inwayat dagiti polis ti operasion kalpasan a nakaawatda iti tawag nga adda lalaki a nakasabbikel iti paltog nga umin-inom iti Peña Videoke Bar iti tiendaan publiko ditoy.

Pinanggep ni Marlon Cardena, 21, baro, residente iti Dalit, Pilar, Abra ti aglibas ngem dagus a kinemmeg dagiti polis ket kinumpiskada ti Cal. 45 Colt Special 1911 US nga armasna.

Napilaan iti kaso iti korte ti Narvacan ti suspetsa.#

Comments are closed.