Footer

Singing idols, nagpabuya iti Vigan

VIGAN CITY – Sangapulo ket pito a kumakanta ti nagpabuya ditoy itay Enero 29 kas paset ti pannakai-launched ti Ilokandia Singing Idol 2008, First District.

Nupay presentasion laeng ti naipabuya, napili ti best performer manipud kadagiti agtawen iti 13-22 a singing idols a naggapu iti nadumaduma na ili iti umuna a distrito.

Kameng ti hurado ni City Councilor Audie Agdamag, ken Camille Singson, apoko ni dati a Gov. Luis “Chavit” Singson ken chairman ti Board of Judges ni Gian Carlo Magdangal, 1st season Philippine Idol iti numero uno a variety show ti GMA 7 nga SOP.

Gannuat ni Bokal Zuriel Zaragoza ti Ilokandia Singing Idol 2008 tapno makapatanor ti probinsia iti kumakanta a maisalip iti nasional a kumpetision.#

Comments are closed.