Footer

Balo, dinungpar ti van, natay

NARVACAN, Ilocos Sur – Naideklara a natayen ni Corazon Martinez, 76, balo, taga-Pinamalayan, Oriental Mindoro idi maidanon iti Central Ilocos District Hospital ditoy gapu iti grabe a sugatna gapu iti pannakadungparna iti van iti Barangay Limmansangan ditoy nga ili.

Iti inbestigasion ti polis, bimmallasiw iti kalsada ti baket kalpasan a dimsaag iti naglugananna a bus ngem sumungaden ti Starex van a minaneho ni Elmo Baptista, 50, baro, residente iti Barangay 8, San Nicolas, Ilocos Norte ket nadungpar ti biktima a puon ti nakaipuruakanna.

Boluntario a simmuko ti drayber iti Bantay police sa naipaima iti Narvacan police.#