Footer

Matartarimaan a kalsada, nangbiktima iti motorista

SANTIAGO, Ilocos Sur.  Nagsagaba iti sugat iti nadumaduma a paset ti bagida ti dua a motorista idi maaksidenteda itay nabiit iti matartarimaan a kalsada iti barangay Olo-olo Norte, iti daytoy nga ili.

Nabigbig dagiti biktima a da Ruel Borilla, 33, baro, residente iti Cabuloan, Bangued, Abra ken ti kaduana a ni Salvador Varona, kalugaranna.

Iti pulongda iti polis, kinuna dagiti biktima nga agdaldaliasatda iti national highway ket idi makadanonda iti matartarimaan a kalsada a sakup ti nasao a barangay,  nasapgidda ti barikada a puon ti nakaaksidenteanda. 

Kinuna dagiti dua a saanda a nakita a dagus ti barikada gapu ta kurang ti silaw ken early warning device.

Naitaray dagiti biktima iti Candon General Hospital para iti panakaagas dagiti sugatda.#

Comments are closed.