Footer

Imbilin itay nabiit ti Malakaniang iti Department of Finance iti panangadalna iti singasing ni Secre

SINAIT, Ilocos Sur – Nakalasat ti maysa a barangay kapitan iti pannakatambang ti luganda ngem nagudas ti anakna a babai.


Nagsagrap ni Barangay Captain Nick Vergara, 42, naasawaan, residente iti Barangay Pagetpet, Badoc, Ilocos Norte iti sugat iti bakrang ken imana ket intaray dagiti nagresponde a polis iti Corpuz Clinic and Hospital sa naiyalis iti Batac General Hospital.
Napuntaan ti ulo ni Nica Jane Ibujos, 12, Grade VI ket dagus a natay.
Di pay ammo ti motibo ken kinasiasino dagiti nagisayangkat iti panagtambang.
Ngem kinuna ni COP Police Inspector Wilson Magpali a posible nga adda maited ni Vergara a lead iti pannakatambangna.
Segun iti inisial nga inbestigasion ti polis, kagapgapu da Vergara a napan nagbuya iti Foundation Day iti Sinait National High School ket agdaldaliasat ti Toyota Corolla  a luganda iti Barangay Cabangtalan idi pinaputokan ida dagiti armado a lallaki.
Nakarekobre dagiti inbestigador iti 18 a buli manipud iti M-16 armalite ken maysa a kapsula ti M-14 rifle iti nakapasamakan ti krimen.#