Footer

2 konsehal, nagbaliktad iti singasing a maikkat ti pabenepisio a pasala iti barangay

VIGAN CITY – Iti sanguanan ti isusupiat dagiti kakapitan ti barangay ken dagiti sangguniang kabataan ditoy siudad, insanud ti dua a konsehal ditoy ti suportada iti singasing a maikkat ti panagpasala iti barangay a kas pagur-or iti kuarta.

Insanud da Konsehal Loreto Quibilan ken Konsehal George Villanueva ti suportada iti singasing ni Konsehal Benjo Verzosa a pannakaikkat ti benefit dance wenno pasala iti barangay iti fund raising initiative iti maad-adal a Gender and Development Code nga inesponsoran ni Konsehal Lourdes Baquiran.

Iti napalabas a session, linagidaw ni Verzosa ti panagpa-benefit dance kadagiti barangay a pannakaaramat dagiti babbai iti panagur-oran iti pondo nangruna iti panagpiesta ti barangay.

Segun ken ni Verzosa, malablabsing ti kalintegan dagiti babbai gapu ta agbalinda a kasla tagilako nga isala dagiti lallaki ken pakatsantsansinganda.

Ngem iti pannakikonsulta ni ABC Federated President John Patrick Singson kadagiti padana a kapitan ti barangay idi Abril 5,   sangsangkamaysa dagitoy a nangkontra iti singasing ni Verzosa a maikkat ti benefit dance a pamastrekanda iti pondo kangrunaan iti panagpiesta ti barangayda.

Kinuna dagiti kakapitan nga umanamongda a maikkat ti panagpabenepisioda nga agpasala no mangted ti gobierno ti siudad iti P30,000 a kas tulong iti panagpiestada.

Inreport met ni SK Federated President Ergin Pajaro a kas  kadagiti kakapitan ti takder dagiti kabaddungalanna.

Kapaliiwan a kadagiti panagpasala iti barangay para iti panagpastrekda iti pondo wenno para iti panagpiesta, agpipinnangato dagiti supporters a manggatang kadagiti boxes bayat ti panangisalada iti kandidata ken dagiti naimbitaran a babbalasang. (Nemia Icari)

Comments are closed.

2 konsehal, nagbaliktad iti singasing a maikkat ti pabenepisio a pasala iti barangay

VIGAN CITY – Iti sanguanan ti isusupiat dagiti kakapitan ti barangay
ken dagiti sangguniang kabataan ditoy siudad, insanud ti dua a konsehal
ditoy ti suportada iti singasing a maikkat ti panagpasala iti barangay
a kas pagur-or iti kuarta.

Continue Reading →

No comments yet.

Leave a Reply