Footer

3 bus, nabansag

BANTAY, Ilocos Sur – Nagsasaruno ti pannakabansag ti tallo a bus nga agbibiahe ditoy probinsia itay nabiit.

Nabansag ti dua a bus ti Partas Transportation ken ti Viron Trans iti nagsisina nga insidente itay nabiit iti San Esteban, Santiago ken daytoy nga ili.

Iti immuna nga insidente, nagpulong ni Gene Ganutan, 39, residente ti Barangay Aggay, Bantay, Ilocos Sur a nabansag ti minanehona a Partas bus, addaan plaka a NXV-625, bayat ti panagdaliasatda iti national highway a sakup ti Barangay San Pablo, San Esteban, Ilocos Sur.

Segun iti drayber, dagiti naglugan iti traysikel a nasabatda ti nangbansag iti luganna a nakabuongan ti kannigid a tawa daytoy.

Iti pulongna iti polis, agdaldaliasat ti lugan iti national highway iti nasao a barangay idi nasabetda ti traysikel ket bigla lattan a binansag dagiti naglugan ti bus.

Nagpulong met ni Marcos Mercado, residente iti Teppeng, Sinait, Ilocos Sur a nabato ti Partas a minanehona,  addaan plaka CVJ-815 ken body number 8828, iti Barangay  Caburao, Santiago, Ilocos Sur. 

Segun iti drayber, dua a lalaki ti nangbansag iti luganna a nakabuongan met ti sarming a tawana.

Kabayatanna, nagpulong iti polis ti drayber ti Viron Transit a naammuan laeng iti nagan a Lito a nabansag ti luganna bayat ti panagdaliasatda iti kalsada nasional iti Bulag East, Bantay, Ilocos Sur a nakaburakan ti sango a sarming a tawa ti lugan.

Awan pay ti natiliw dagiti polis a nangisayangkat kadagiti panagbansag. (Karaman ti report ni Danny Antalan)

 

Comments are closed.

3 bus, nabansag

BANTAY, Ilocos Sur – Nagsasaruno ti pannakabansag ti tallo a bus nga agbibiahe ditoy probinsia itay nabiit.

Continue Reading →

No comments yet.

Leave a Reply