Footer

Baro, natiliwan iti paltog iti videoke bar

STO. DOMINGO, Ilocos Sur – Maysa a baro ti natiliwan iti paltog bayat ti panaginumna iti maysa a videoke bar iti tiendaan publiko ditoy.

Natiliw ti polis iti ikut ni Faustino Tabin, 24, residente iti Barangay Bacunero, ditoy nga ili, ti maysa a 9mm cal. pistol nga addaan iti magasin ken 4 a bala bayat ti kaaddana iti maysa a paginuman iti maikadua a kadsaaran ti tiendaan publiko ditoy.

Inwayat  dagiti polis ti operasion kalpasan ti pannakaawatda iti tip nga adda lalaki a nakasabbikel iti paltog nga umin-inom iti nasao a videoke bar.

Maisagsaganan ti kaso nga illegal possession of firearms ken ammunition maikontra ken ni Tabin.#