Footer

Nabartek, pinang-or ti tanod

VIGAN CITY – Gapu iti panaglaawlaaw ti maysa a lalaki a mapapati a nabartek, pinang-or ti maysa a tanod daytoy a puon ti nakayospitalanna.

Mapapati a pinangpang-or ni Isagani Briones, barangay tanod, residente iti Barangay Raois ditoy siudad ti kalugaranna a ni Samuel Valera, 31, baro, gapu iti panaglaawlaawna iti baet nga ala unan iti rabii.

Segun iti report, nasugatan iti ulo ken limteg ti rupa ti biktima gapuanan iti mapapati a panangpang-or kenkuana ti suspetsa.

Intaray dagiti nagresponde a polis ti biktima iti Gabriela Silang General Hospital. Naglibas met ti suspetsa kalpasan ti insidente.#

Comments are closed.