Footer

Zarzuela, biagen ti gobierno probinsial ti Ilocos Sur

MAGSINGAL, Ilocos Sur – Kas paset ti programana a panangitandudo iti kultura dagiti Ilokano, naipabuya ditoy idi Abril 5 ti zarzuela a “Diosko, Apay a Binaybay-annak?” babaen ti panagkinnamayyet ti 3A’s ken Mayyang Productions.

Segun ken ni Gov. Deogracias Victor “DV” Savellano, rugin daytoy ti Dur-as ken Victoria iti Benneg ken Salinong ti Kultura (DVBS) Zarzuela Ilocana Festival nga esponsoran ti gobierno probinsial ti Ilocos Sur.

“Nairugin ti programatayo tapno mapreserba ti kannawidan dagiti tribu babaen ti Tribal Festival. Ita, dagiti met kultura ken arte dagiti taga-patad ti isarunotayo,” kinuna ti gobernador.

Manipud Abril 5 agingga iti Mayo 24, siam a dramatic troupe ti agpabuya kadagiti ili a Magsingal, Cabugao, San Ildefonso, Santa, Narvacan, Sta. Maria, Banayoyo and Sta. Cruz. Ikkan ti gobierno probinsial iti P20,000 ti tunggal grupo kas tulongna a pinansial kadakuada.

Kinuna ti gobernador a mairerord amin a zarzuela babaen ti NBN Vigan tapno maipabuya iti telebision.

Mapilinto pay dagiti sumaganad kas major awards: best story, best director, best actress, best actor, best female comedian, best male comedian, best orchestra/musical scoring, ken best art direction. Maiyawat met ti minor awards  para iti best supporting actor, best supporting actress, best child actor, ken best child actress.

Maangay ti awarding ceremony  iti maudi a lawas ti Mayo. (Mancielito S. Tacadena/NBN Vigan)

Zarzuela, biagen ti gobierno probinsial ti Ilocos Sur

MAGSINGAL, Ilocos Sur – Kas paset ti programana a panangitandudo iti
kultura dagiti Ilokano, naipabuya ditoyidi Abril 5 ti zarzuela a
“Diosko, Apay a Binaybay-annak?” babaen ti panagkinnamayyet ti 3A’s ken
Mayyang Productions.

Continue Reading →