Footer

Ama a nangkabil iti ina, kinabil ti anak

STA. MARIA, Ilocos Sur – Saanen a naidanon ti biag ti maysa nga ama iti ospital gapu iti panangtaso kenkuana ti anakna a saanen a nakaibtur iti panangkabil ti amana iti inana.

Natayen ni Maximo Dumlao, 69, residente iti Poblacion ditoy, iti Reyes Clinic and Hospital a nangitarayan kenkuana dagiti polis kalpasan ti panangkabil kenkuana ti anakna a ni Diosdado, 37, naasawaan.

Naammuan iti report a kinabil ken binekkel ni Maximo ti asawana ket di nakateppel ni Diosdado a puon ti nangdanogan ken nangkugtaranna iti amana.

Dagiti nagresponde a polis ti nangitaray iti ama iti ospital.

Simmuko ti anak iti polis kalpasan ti pasamak.#