Footer

Bangkay ti babai, nasarakan iti ruar ti pagadalan

STO. DOMINGO, Ilocos Sur – Nasarakan ti bangkay ti maysa a katulong  a mapapati a biktima ti salvage iti asideg ti alad ti maysa a pagadalan iti Barangay Cabigbigaan ditoy nga ili.

Nabigbig ti bangkay a ni Cristina Liza Arranz, 19, balasang, stay-in housemaid ni Rosemarie Fetalvero, agnaed iti Solid West, Vigan City ngem residente iti Cabigbigaan ditoy.

Segun iti polis, mapapati a sinukon ti maysa nga Enrique Patao, 30, residente iti Aggay, Bantay, Ilocos Sur ti biktima idi Abril 11 ket saanen a nagsubli ti balasang.

Idi masarakan ti bangkay, napungo iti barut, adda dunor iti ulona ken mapapati a pinanggep dagiti nangpatay kenkuana a puoran.#