Footer

Mannalon, binagsol ti kinabilna a kalugaranna

CANDON CITY – Maysa a lalaki ti natay gapu iti panangbagsol kenkuana babaen ti kinabilna a kalugaranna iti barangay Balingaoan, ditoy.

Nabigbig ti biktima a  managan Juan Sagun y Angaangan, 54, mannalon, residente iti nadakamat a lugar idinto a nainaganan ti suspetsa a ni  Rey Anga-angaan, 39, kalugaranna met laeng.

Naammuan iti imbestigasion dagiti pannakabagi ti linteg  a nagsarak dagitoy iti maysa a kasaran ket naaddaanda iti nabara a diskusion.

Nagawid ti suspek ngem sinaruno ti biktima sa mapapati a pinang-orna ti suspetsa.  Inuksot ti suspetsa ti kutsiliona ket binagsolna ti biktima iti namin-adu a daras.

Naitaray ti biktima iti ospital iti San Fernando, La Union ngem natay daytoy.  Naipan met ti suspetsa iti St. Martin de Porres Hospital gapu iti sugat a linak-amna, sa insuko ni Barangay Kapitan Rolando Galicia iti polis.

Adda datin a susik dagiti dua.#

Comments are closed.