Footer

Motorista, dyip, karaman iti aksidente

NARVACAN, ILOCOS Sur – Tallo a tattao ti nasugatan idi dinungpar ti maysa a dyip ti lalaki nga agballasiw ti kalsada ken nakaigapuan ti panangdungpar met ti sumarsaruno a motorsiklo iti dyip.

Nasugatan da Virgilio Lagandat, 41, residente iti Barangay Sulvec, Nevajane Rabena, 17,  residente iti Barangay Quinarayan ken ni Golden Castro, 25, residente iti San Pablo iti daytoy met laeng nga ili.

Segun iti inbestigasion ti polis,  mapapati a bigla a bimmallasiw iti kalsada ni Lagandat a puon ti nakadungparan kenkuana ti dyip kenkuana a minaneho ni Charlie Garabilez, 34, ken residente iti Calongbuyan, Candon City.

 Saan met a napakadaan ni Castro ti panagsardeng ti dyip ket nadungparna ti kutit ti dyip.

Naitaray dagiti tallo a nasugatan iti Central Ilocos Sur District Hospital para iti pannakaagasda.#