Footer

Special children, nakipartisipar iti summer camp

VIGAN CITY – Sangapulo nga aldaw a nagkampo dagiti espesial nga ubbing iti Vigan Central School ditoy siudad.

Nangrugi ti summer camp itay Abril 11 ket nagpatingga itay Abril 20. Nakipartisipar ditoy ti nasurok a 150 nga special children a pakairamanan dagiti addaan iti rangkap, depekto iti panagdengngeg, slow learners ken dadduma pay ken nasurok a 60 a volunteer workers a nangaywan kadakuada.

Nadumaduma dagiti aktibidad iti daytoy a panagkampo dagiti special children a pakairamanan ti panagpabuyada iti entablado, puppetry, Siningdakan (Folk dance), Santa Cruzan, salip iti panagkanta, ken ay-ayam a kas iti Kiddielympics, Palarong Pinoy, panagmulada iti kaykayo iti minibus and jeep terminal ken ti bonfire iti sardam kalpasan ti panagturposda.

Naangay ti summer camp babaen ti Guided and Unified Interaction for the Development of Children, Inc. ken iti pannakikammayyet ti siudad ti Vigan. #

Comments are closed.