Footer

Kapitan, kinamat ti nagtagipaltog a kagawad, tanod

CANDON CITY –   Kinamat ti maysa a kagawad ken dagiti annak daytoy a mapapati a nagtagipaltog ti kapitan iti barangay Villarica  ditoy siudad.

Nagpulong iti polis ni Barangay Kapitan Francisco Tu y Gabor a prinobokar ken kinamat ni Barangay Kagawad Antonio Gabor, ken dagiti anakna a da Geoffrey, Edison ken Sonny.   Mapapati nga adda paltog dagiti suspetsa.

Segun iti inisial nga inbestigasion, kinomprontar ti kapitan dagiti menor de edad nga agsusugal iti cara y cruz iti sango ti Day Care Center.

Binagbagaan ti kapitan ti grupo ngem maysa ti mapapati nga immingar. Bimmallaet ni Sonny Boy Gabor ket nagbinnarada iti kapitan.

Immasideg ni Geoffrey, maysa a tanod,  ket  mapapati a kinunana: “Sige banatanyo!”

Nagtaray ti kapitan  iti balay ni Kagawad Demetria Ramos sa iti pagtaengan ni Kagawad Victor Galapate ngem kinamat dagiti suspetsa sada impukkaw a rummuar ti kapitan. 

Nupay kasta, inanawa ida ni Kagawad Galapate. (Danny Antalan)