Footer

SALAYSAY: Ti Phenomenon ti Tres de Mayo iti Vigan City

Ti Tres de Mayo ti Vigan ti maysa kadagiti tinawen a tagiuray a parambak, saan laeng dagiti agindeg iti siudad no di pay kadagiti kabangibang nga ili ken probinsia. Adda daydiay naisangsangayan a bileg a mangguyod kadagiti tattao nga agturong iti Vigan tunggal dumteng daytoy naisangayan nga aldaw.

Ta ania ngamin aya ti makunkuna a Tres de Mayo? Apay a maibilang daytoy a sangkaprobinsiaan a parambak?

Piesta ni Apo Lakay. Ti Black Nazarene nga adda sadiay “bassit a simbaan” ti makunkuna nga Apo Lakay ditoy.

Saanko a masinuo, lalo kadakami a  taga-Narvacan, no apay a naawagan iti “bassit a simbaan” ti simbaan iti sementerio ti siudad. Nalabit  gapu ta bassit a simbaan wenno maysa laeng a kapilia. Ngem saan a bastabasta kapilia daytoy ‘bassit a simbaan’ ta duog a pasdek nga addaan iti arkitektura a kas kadagiti mission churches iti Mexico ken iti Southern California. Eksakto a nagsangaan ti kangrunaan a kalsada iti siudad  ti nagsaadan ti “bassit a simbaan” – ti agpadaya a kalsada nga agturong kadagiti makindaya a barbarangay ken ti agpalaud a kalsada nga agturong kadagiti barangay iti laud. Itoy a saad ti kapilia, agserbi a kas ‘bantay-palagip’ iti nasged a pammati. 

Ti Black Nazarene wenno ni Apo Lakay.

Ubingak pay idi nangngegko ti naisangsangayan a pakasaritaan ti Black Nazarene ditoy ‘bassit a simbaan.’  Idi kano panawen ti Kastila daytoy. Manipud iti kabaybayan ti Vigan iti laud, adda nadadael ken limned a galleon dagiti Kastila ket sadiay ti nakaalaan dagiti umili iti Black Nazarene wenno Apo Lakay. Impanda iti ‘bassit a simbaan’ tapno sadiayen nga agtaeng. Idi agangay, napanunot dagiti umili a yalis ni Apo Lakay iti ‘dakkel a simbaan’ wenno iti St. Paul Cathedral. Ngem idi bagkatendan ni Apo Lakay, nasdaawda ta kellaat metten a dimmagsen daytoy. Pirmi ti dagsennan ket dida metten maawit. Nasdaaw dagiti umili.  Naamirisda a saan a kayat ni Apo Lakay ti maiyalis iti ‘bassit a simbaan’ a taengna.

(Maigibusto)

Comments are closed.