Footer

50 polis, nagturpos iti shotgun training

SAN FERNANDO CITY – Limapulo a polis ti nagturpos iti PNP Shotgun Proficiency Training a naaramid ditoy itay nabiit.

Nakomision dagiti nakipaset a pannakabagi ti linteg babaen ti  Police Commissioned Officers (PCOs) ken ti  Police Non- Commissioned Officers (PNCOs) a naka-assign iti Regional Mobile Group 1 ken iti nadumaduma a dibision ti Police Regional Office 1 kalpasan a balligi a nakaleppas dagitoy iti nasao a panagsanay.

Nagsanay dagiti partisipante iti  basic skills, proper handling ken  apt maintenance iti shotgun firearm. Naikkan dagiti 50 a partisipante iti 50 rounds a bala tapno makompleto ti stage set ti training.

Kabayatanna, sangapulo ket innem a babbai ken 14 a lallaki a pulis ti madama ti panagsanayda iti Special Counter-Insurgency Unit Training (scout) iti Candon National High School ditoy.

Kinuna ni Police Chief Inspector Marlo Castillo, agdama a chief of police ditoy siudad ken coordinator iti nasao a training, paset daytoy iti programa a nakasagana latta ti kapolisan iti kampania kontra iti insurhensia.

Kinuna ni Castillo a  mandatory daytoy a training kadagiti amin a kapolisan. Naggapu iti nadumaduma a police stations iti probinsia ti Ilocos Sur dagiti nagsanay.

Kinuna ni Castillo a dakkel a katulongan ti panagsanay kadagiti polis ta maaramatda ti nasursuroda, saan laeng a maikontra iti kriminalidad no di pay iti kampania maikontra iti insurhensia.

Agpaut iti 45 nga aldaw ti nasao a panagsanay. (Danny Antalan)