Footer

BEGNAS Festival, marambakan

VIGAN CITY – Maangay inton Oktubre iti Candon City ti Begnas Festival a pakipartisiparan dagiti agduduma a tribu iti probinsia.

Kanaig daytoy, kinuna ni Gov. Deogracias Victor “DV’ Savellano a marugianen ti pannakaaramid dagiti souvenir items a mailako iti trade fair kas kadagiti kadaanan nga instrumento musikal dagiti tribu.

Impakaammo ti gobernador nga ikamkamakam ti gobierno probinsial ti pannakaileppas ti 10-20 a balay a maaramid kas komunidad iti ili a Banayoyo a kaasping dagiti period houses iti Williamberg, Virginia, U.S.A. a maysa nga atraksion kadagiti turista.

“No malpas, mabalinto a pagpasiaran dagiti turista daytoy a lugar a pakakitaanda kadagiti kadaanan a bado, ramramit, kostumbre ken kabibiag dagiti nagtagiuna a tribu iti Ilocos Sur,” kinuna ti gobernador. (Mancielito S. Tacadena/NBN Vigan)

Comments are closed.