Footer

Night club, natakawan

CANDON CITY –  Natakawan itay nabiit ti maysa a night club ditoy a nakapukawan kadagiti nadumaduma a cellphone ken kuarta.

Nagpulong iti polis ni Jimmy Norombaba, 46, residente iti Barangay Paras ditoy, manager ti Encks Night Club and KTV Bar, a tinakaw ni Marvin Palacpac, stay-in helper ti klub, residente iti Bantay, Ilocos Sur ti 12 a cellphone ken  sumurok-kumurang P100,000 a naikabil iti kabinet.

Nakasarak dagiti inbestigador iti plais a mapapati nga inaramat ti suspetsa a pinangdadael iti locker ti kabinet a nakaikabilan dagiti selpon ken kuarta.

Mabirbirok ita ti suspetsa. (Danny Antalan)

Comments are closed.