Footer

Sen. Estrada, Bokal Zaragoza, sinangaili ti ISAH

HAWAII – Binigbig ni Bokal Zuriel Zaragoza ti timpuyog ken urnos ti Ilocos Surian maipapan iti  Filipino tradition, ti kinapateg ti kinamanagsangaili ni Ilokano bayat ti pangrabii nga inruknoy kenkuana ti Ilocos Surian of Hawaii (ISAH) a naangay iti Empress Restaurant itay Mayo 22 ditoy.

Kadua ni Zaragoza ni Senador Jinggoy Estrada a sinangaili ti ISAH nga indauluan ni Danny Villaruz .

Nagturong dagitoy dua nga opisial ditoy tapno atendaranda ti Annual Maui Barrio Fiesta, kas imbitasion ni John Garcia,  kabagian ni  Zaragoza.

“Sapay koma ta agtultuloy ti panagtakder ti Ilocos Sur kadagiti ima ken tibker dagiti grupoyo,” kinuna ni Zaragoza iti panagbitlana sana inyunay-unay ti saan koma a panagsardeng ti itutulong dagiti kailianna iti probinsia ti Ilocos Sur pakaseknan iti “ekonomia ken pannakasaluad ti salun-at.”

Nabangon idi Pebrero 27, 1977, ti ISAH ti maysa kadagiti kaaktibuan a gunglo ita.

Idi Disiembre 2007, naballigi manen ti insayangkat ti ISAH a medical and homecoming mission iti Ilocos Sur kas tuloy ti mission idi  2005 kas paset ti pannakaselebrar ti sentenial ti ipapan dagiti Sakada iti Hawaii. (Amado I. Yoro)

Comments are closed.