Footer

Barito, nalmes

CANDON CITY –  Nagtungpal iti trahedia ti panagpipiknik dagiti agbabarkada gapu iti pannakalmes ti maysa a kaduada a barito iti kababayan ditoy.

Nalmes ni Reginald Gadingan, 16, residente iti barangay Talogtog, Candon City bayat ti panagdidigosda nga agkakadua iti Darapidap beach ditoy siudad.

Iti impormasion a naala ti Tawid News, napan nagpipiknik ken nagdidigos ti biktima ken kakaduana iti Darapidap Beach, idi mapapati a ginuyod ti dalluyon bayat ti panaglangoyda iti baybay.

Nangisayangkat iti search operation dagiti pannakabagi ti linteg, coast guard a nakabase iti San Fernando City, La Union ken dagiti mangngalap iti nasao a barangay ngem dida nasapulan pay ti biktima.

Nasarakan ti bangkay ti biktima iti agarup alas singko ti malem iti kabigatanna.#