Footer

Droga, paraphernalia, nakumpiska iti panagsukisok

VIGAN CITY – Dua a pagtaengan ditoy siudad ti rinikisa dagiti polis a nakakumpiskaanda iti mapapati a droga ken paraphernalia.

Nakakumpiska dagiti polis nga indauluan ni COP Police Chief  Inspector Maximo Taclas ken ni Deputy COP Zozimo Racho iti 12 a plastic sachet a mapapati a naglaon iti shabu nga agdagsen iti 2.32 gramo iti pagtaengan ni Erwin Riguera, 29, residente iti Barangay 3 ditoy, ken 2 a plastic sachet a naglaon iti mapapati a maiparparit a droga nga agdagsen iti .14 gramo ken drug paraphernalia iti up-upaan ni Antonio Bilgera, alias Pukol.

Naglibas dagiti dua ngem natiliw ni Bilgera iti pursuit operation nga insayangkat dagiti polis.

Sinaksian ti kapitan ti barangay ken dadduma pay nga opisial ti panagrikisa.#

Comments are closed.