Footer

Lalaki, biktima ti hit and run

SINAIT, Ilocos Sur – Pimmusay iti ospital a nakaitarayanna ti maysa a baro a mapapati a biktima ti aksidente.

Nagsatan iti anges ni Eric Serdenia, 27, baro, residente iti Reppaac, Cabugao, Ilocos Sur iti ospital iti Batac, Ilocos Norte gapu kadagiti grabe a sugatna iti bagi ken ulona.

Nasarakan ti biktima a nakadasay iti igid ti national highway a sakup ti Barangay Pug-os ditoy a mapapati a naatalan ngem tinarayan ti nakadungpar kenkuana.

Segun iti inbestigasion, nagpakada ti biktima a mapan iti daytoy nga ili iti rabii ti Hunio 1.

Di pay nabigbig ti nakadungpar kenkuana.#