Footer

Pannakaipasdek ti DFA office iti Vigan, naidagadag

VIGAN CITY – Indarirag ni Konsehal Benjo Verzosa ti pannakaipasdek ti opisina ti Department of Foreign Affairs ditoy siudad tapno mapadaras ti pannakaproseso ti pasaporte dagiti agindeg ditoy ken kabangibangna a probinsia.

Kinuna nga indagadagna daytoy gapu iti kapaliiwanna nga adu dagiti aplikante a nagpaproseso iti pasaporteda iti mobile passporting nga insayangkat ti Vigan City ken ti provincial government itay bulan ti Mayo.

“Kasapulan nga iyasideg ti gobierno ti serbisiona  kadagiti tattao,” kinuna ni Verzosa.

Tapno makaala iti pasaporte, kasapulan a mapan ti aplikante iti San Fernando City nga agproseso.#