Footer

Uliteg, binagsolna ti kaanakanna

NARVACAN, Ilocos Sur – Silaw ti puon ti nangbagsolan ti maysa a lalaki iti kaanakanna idiay barangay Parparia iti daytoy nga ili.

Nainaganan ti biktima a ni Danilo Caleria, 28,  idinto a nabigbig ti suspek a ni Darwin Mariano, uliteg ti biktima, agpada a residente iti nasao met laeng a barangay.

Naammuan a nagriri dagiti dua gapu iti panangikkat ti biktima iti bombilia a silaw ti ulitegna a nagtungpal  iti nabara a saritaanda agingga a binagsol ti suspek ti kaanakanna.

Nasugatan ti ima ti biktima ket naipaagas iti Central Ilocos Sur District Hospital.#