Footer

Drug personality, nanabtuog iti buy-bust operation

VIGAN CITY – Sabali pay a drug personality ti nanabtuog iti buy-bust operation nga insayangkat dagiti pannakabagi ti linteg ditoy a siudad.

Inaresto dagiti polis ni Chona Santos, 30, balasang, agnaed iti Magalang, Francisco, Pampanga ngem temporario nga agnaed iti Fuerte, Caoayan ket nadetene iti police station ditoy bayat a maisagsagana ti kaso maikontra kenkuana.

Iti naiwayat nga operasion, nagpammarang ti maysa nga intelligence operative a kustomer a gumatang iti droga ken ni Santos ket kinemmegda daytoy idi maiyawatna ti maysa a plastic sachet a mapapati a naglaon iti shabu.

Nakumpiska iti ikut ni Santos ti maysa a bassit a petaka a naglaon iti lima a plastic sachet nga adda kargana a mapapati a shabu, 2 a sag-P500 a marked money, 3 nga improvised tooter, aluminum foil ken sumagmamano nga awan ti kargana a plastic sachet.#