Footer

Grade V pupil, nadungpar

BANTAY, Ilocos Sur – Maysa nga agtawen iti sangapulo ket maysa nga ubing ti dinungpar ti lugan idi kellaat a bimmallasiw iti kalsada.

Intaray ni Rodolfo Madriaga, nagmaneho iti Starex van, 50, naasawaan, residente iti Tay-ac ditoy nga ili, ni Joseph Perona, Gr. V, residente iti Cabalangan, ditoy met laeng nga ili, iti Metro Vigan Cooperative Hospital para iti pannakaagas ti sugat daytoy iti ulona gapu iti pannakadungparna.

Naammuan iti inbestigasion nga agpaabagatan a direksion ti van idi kellaat a bimmallasiw ti ubing a puon ti nakadungparanna.

Kinuna ni Madriaga a sisasagana a mangibaklay iti magastos ti biktima iti ospital.#

Comments are closed.