Footer

Agturpos a polis, nabagsol

SALCEDO, Ilocos Sur – Maysa nga agturpos a polis ti nabagsol bayat ti panaganawana kadagiti nagsubang a drayber maigapu laeng iti parsiak ti danum.

 

Nainaganan ti biktima a ni PO1 Floro Cosning Jr., addaan naan-anay nga edad, agdama nga escort iti Battalion RMG, ken ti suspek a ni Vicente Panela, Jr., 59, residente iti San Jose, Candon City, Ilocos Sur.

Naammuan iti inbestigasion a naparsiakan ti naurnong a danum iti kalsada ti traysikel a minaneho ni Willie Sotero, residente iti  Salcedo, Ilocos Sur idi linabsan ti  passenger type jeep, addaan plaka CFK-350, a minaneho ti suspetsa bayat ti panagdaliasatda iti Barangay Sto. Tomas.

Idi makadanonda iti Barangay Calangcuasan, nag-overtake ti traysikel sana sinardengan ti jeep ket nagsubang dagiti dua a drayber.  Bimmunot iti kutsilio ti suspek ket iti panaganawa ti biktima,  isu metten ti nabagsol.

Nagsisinnurot dagiti maseknan babaen ti amicable settlement.

Naammuan ti news team nga aggraduar ti biktima kas polis, maysa nga aldaw kalpasan a nabagsol. (Danny Antalan)

Comments are closed.