Footer

Sakupit, OTOP ti Quirino

QUIRINO, Ilocos Sur – Ti sakupit wenno pasiking, orihinal a kita ti back pack manipud iti kawayan nga inar-aramat dagiti nagkauna a tribu ditoy ti One Town One Product daytoy nga ili.

 

Kanaig daytoy, nangipaay ti municipal government ditoy nga idadauluan ni Mayor Clifford Patil-ao iti P50,000, drilling machine ken compressor tapno matulongan dagiti lumalaga iti sakupit.

Malaksid iti sakupit, aglaglaga pay ti Quirino Bamboo Makets Association iti koppit, wenno shoulder bag, cellphone case, flower vase ken dadduma pay a produkto manipud iti kawayan nga ilaklakoda iti Baguio City.

Kinuna ni Daisy Pagulongan manipud iti municipal Agriculture office ken coordinator ti programa, addaan ti nasao nga asosasion iti nasurok sangagasut a kameng.(Danny Antalan)

Comments are closed.