Footer

Awan pay natiliw a suspetsa iti naiwalang a bangkay

BANTAY, Ilocos Sur – Makalawas kalpasan ti mapapati a pannakapapatay ti maysa a residente iti Cabaroan ditoy nga ili, awan pay ti maitudo a suspetsa iti krimen.

Nasarakan ti bangkay ni Melanio Pablico, 55, naasawaan, residente iti Cabaroan ditoy nga ili iti kataltalonan a sakup ti Barangay Mira ditoy met laeng nga ili iti alas sais ti bigat iti Hunio 20.

Naglak-am ti biktima iti 4 a sugat iti barukongna a mapapati a nagtaud iti gauge 12 backshot.

Narekobre iti nakapasamakan ti krimen ti dua a kapsula manipud iti cal. 45, 2 a magasin ti cal. 45 a kargado iti bala manipud iti bulsa ti biktima ken cal. 45 a mapapati a kukuana.

Mapapati a nakiranget ti biktima.#

Comments are closed.