Footer

Bokala iti maikadua a distrito ti I. Sur, pimmusay

SALCEDO, Ilocos Sur – Maysa nga agtaktakem a bokala iti maikadua a ditrito ditoy probinsia ti pimmusay gapu iti kumplikasion a pinarnuay ti sakitna a kanser.

Pimmusay itay Hunio 22 ni Sangguniang Panlalawigan member Rosario Gironella, 49, gapu iti mapapati a kumplikasion ti sakitna a pancreatic cancer ken pannakaoperana iti appendicitis, gall bladder ken ovarian cyst.

Naipasngay idiay Bangued Abra, nagbasa ni Gironella iti elementaria ken sekundaria idiay Holy Spirit Academy ket tinurposna ti Business Administration idiay University of the East.

Sakbay a nabutosan a bokala, 3-termer a  mayor ti Salcedo ni Gironella manipud 1998 agingga iti 2007.

Inulilana da Mayor Leonofre Gironella, asawana, ken tallo nga annakda, ni Louie, Joselle ken Grazielle Gironella.#

Comments are closed.