Footer

Big bike dinarusdos ti traysikel

BANTAY, Ilocos Sur – Dinarusdos ti maysa a traysikel ti nakasardeng a big bike iti sanguanan ti maysa a pagadalan a puon ti nakadunoran dagiti baket ken lakay a pasahero ti traysikel.

Naitaray iti Metro Vigan Cooperative Hospital gapu iti sugatda da Prudencio Serna, 84, ken Carmen Serna, 81, agpada a pasahero ti traysikel a minaneho ni Jaime Campos, 31, baro, residente iti Barangay Quezon, Cabugao, Ilocos Sur a nangdarusdos iti big bike a linuganan ni Jayson Bautista, 21, baro, residente iti Barangay Calungboyan, Santa, Ilocos Sur.

Segun iti inbestigasion dagiti polis ditoy, nakasardeng ti lugan ni Bautista, ur-urayenna ti ilalabas dagiti lugan a masabatna idi dinarusdos lattan ti traysikel agingga iti barikada iti sanguanan ti Bulag Elementary School.

Nadadael dagiti dua a lugan.#

Comments are closed.