Footer

Bulan ti nutrision, naselebraran

VIGAN CITY  – Kinuna ni Mayor Eva Marie Medina a paset ti programana iti Nutrition Month Celebration ti K2 wenno “kuto ken kuko”.

Kinunana a maibunong kadagiti ubbing ti sugod ken shampoo a mangpaksiat iti kuto tapno agbalin a nasalun-at ken nadalus dagiti ubbing.

Addan naserbian daytoy a programa a 1,093 nga ubbing manipud iti 3,469 a kadagupan a bilang dagiti ubbing nga agbasbasa iti siudad.

Kas paset ti selebrasion a naangay itay Hulio 4, naigannuat dagiti nadumaduma a pasalip kas iti draw and tell, cooking contest, oratorical contest, cheer dance competition, speech choir, nutri-quiz, solo/parent OFW, poster slogan contest, ken mural painting contest a nakipagpartisiparan dagiti estudiante manipud kadagiti pagadalan iti elementaria, sekundaria ken  college level ditoy siudad ken ti Search for Healthy Buntis.

Ti tema ti selebrasion ita a tawen: “Sa Wastong Nutrition ni Mommy, Siguradong Healthy si Baby”.#