Footer

Kapitan ti barangay, nasuspende

CANDON CITY – Tallopulo nga aldaw ti suspension nga impakat ti Sangguniang Panglungsod ditoy iti maysa a kapitan ti barangay kalpasan a napatalgedan a nakabasol daytoy iti naipila a kaso administratibo kontra kenkuana.

Iti desision nga imparuar ti Sangguniang Panglungsod idi Hunio 16, 2008, natakuatan a guilty ni Kapitan Francisco Tu, barangay captain ti Villarica,  iti kaso nga oppression ken abuse of authority a naipila maikontra kenkuana.

Nangrugi ti suspensionna idi Hulio 1.

Segun iti  kaso nga impila ni Ricardo Galindo, residente iti nasao a barangay, idi Enero 27, 2008, agtotong-it ti complainant ken da kagawad Bernardo Lacsa ken Cresensio Peralta Jr. iti dap-ayan a masarakan iti lakon ti complainant.  Idi simmangpet ti kapitan, pinasardengna ti ay-ayam sana ginuyod ti lupot ti lamisaan ket impuruakna kadagiti agtongtong-it a nagtungpal iti nabara a saritaan.

Kinuna ni Tu  a tungpalenna ti naipakat a desision kenkuana.#