Footer

Naiwalang a bangkay, nabigbigen

BANTAY, Ilocos Sur – Binigbig ti ina a ti anakna ti naiwalang a bangkay iti igid ti national highway a sakup ti Barangay Guimod ditoy nga ili.

Binigbig ni Cresencia Laurente, 61, a ti anakna a ni Bernardino Laurente, Jr., 27, baro, residente iti Riverside, Pudoc Norte, San Vicente, Ilocos Sur ti nasarakan a naiwalang a bangkay idi 12:40 p.m. idi Hulio 2 iti Barangay Guimod iti daytoy nga ili .

Segun ti ina, rimmuar iti balayda ni Bernardino iti alas dies ti bigat idi Hulio 1 ngem saanen a nagawid.

Idi masarakan ti bangkay, naisako daytoy a rumrummuar ti kagudua ti bagina, naisina ti kannigid nga imana ken grabe ti sugat iti ulona.

Madama ti inbestigasion no sino ti nagisayangkat iti nasao a pammapatay.#

Comments are closed.