Footer

Taltalon a nasalpa ti apgad, di pay maraepan: agricultural technologist

CANDON, Ilocos Sur – Imballakad ti city agriculture office ditoy a saan pay laeng a raepan dagiti mannalon ti talonda a nasalpa ti baybay tapno saanda a malugi.

Kinuna ni Arnold Ugalde, agricultural technologist ti City agriculture office ditoy a nasaysayaat a palabsen dagiti mannalon ti makatawen sakbay a mulaanda manen dagiti naapgadan a taltalon.

“No nakaro ti apgad ti taltalon, agamarilio dagiti pagay a mairaep ket saan a nasayaat ti panagdakkelda nga agtungpal iti bassit a maapit,” kinuna ni Ugalde.

Imballakad ni Ugalde a bayat a maur-uray ti panagmawmaw ti apgad kadagiti nasalpa a talon, maikkanda iti abuno nga organiko ken rugit ti dingnguen tapno bumaba ti kinaapgadna.#

Comments are closed.