Footer

Baro a bokal ti probinsia, nagsapata

SAN EMILIO, Ilocos Sur- Pormal a nagsapata kas baro a kameng ti hunta probinsial ni Engr. Joselle Gironella, kasukat ti pimmusay nga inana a ni Bokal Rosario “Cherie” Gironella.

Inimatangan dagiti provincial officials a pakaibilangan da Vice Gov. Jerry Singson, ABC Fed. Pres. Ferdinand Banua ken ni Salcedo Mayor Leonofre Gironella, ama ti baro a bokal,  ti panagsapata daytoy iti simple a programa bayat ti KABSAT Outreach Program a naangay ditoy nga ili itay Hulio 10.

Impanamnama ni Gironella ti panangitultuloyna iti programa daydi inana para iti pagsayaatan dagiti kaprobinsiaanna nangruna kadagiti padana a taga upland.#

Comments are closed.