Footer

Lalaki a nagpasupli iti peke a P1,000, nakemmeg

STA. CRUZ, Ilocos Sur – Dua nga empleado ti dandani biniktima ti maysa a lalaki a nagpasupli  iti peke a sangaribu a pisos iti Poblasion ditoy nga ili.

Natiliw ni Rommel Lacsina, 32, vendor ken residente iti 10th Avenue, Caloocan City ngem temporario nga agnaed iti Vigan City, Ilocos Sur  idi insukatna ti peke a sangaribu kada Carmelo Poca, residente iti Pidigan Abra ken ni Ilarde Lopez, residente iti Paing, Bantay Ilocos Sur, agpada nga empleado ti LPG RTK Marketing.

Mapapati nga impasupli ti suspetsa kada Poca ti dua a P500 ngem nadlawan dagiti dua ket sinawarda ti suspetsa.

Nakitada a nakalugan ti suspetsa iti maysa a dyip nga agpaabagatan. Saanen a nakalisi ti suspetsa idi gammatan dagiti dua.

Naala iti ikut ni Lacsina ti sabali pay a peke a sangaribu ket P3,500.

Suspetsaen dagiti polis a kameng ni Lacsina iti maysa a grupo nga agipaspasupli iti peke a kuarta. (Danny Antalan)

Comments are closed.