Footer

Sabali pay a fire truck, nakiddaw

VIGAN CITY, Ilocos Sur- Naipasa iti pinal a pannakaibasana bayat ti regular session ti konseho ditoy ti resolusion a mangkiddaw ken ni DILG Sec. Reynaldo Puno babaen ken ni Undersecretary Atty. Marius Corpuz ti maysa a fire truck para iti modernisasion ti Vigan City Fire Department.

Maibasar iti resolusion a pinutar ni Konsehal Benjo Verzosa, umad-adu ti maipatakder a pasdek-negosio ken dadakkel a residential houses iti siudad, isu a kasapulan ti baro a fire truck.

Innayon pay ni Verzosa a nangina unayen ti piesa dagiti daan a fire truck ti Vigan, isu a mas napimpintas a mapabaro laengen.

Impanamnama ti proponente nga iti kabiitan nga aldaw, adda maited iti Vigan a baro a fire truck. (Nemia Icari)

Comments are closed.