Footer

7 aglaklako iti karne ti aso, natiliw

BAGUIO CITY – Aganay  260 kilos a hot meat ti kinumpiska dagiti polis idi Hulio 29 a mailaklako iti Baguio Athletic bowl ken iti public market ditoy siudad.

Tiniliw ti nagtipon a bunggoy ti Animal Kingdom Foundation Inc., National Meat Inspection Team ken ti Criminal Investigation and Detection Group ti Cordillera Autonomous Region ti dua a babbai ken lima a lallaki nga aglaklako iti karne ti aso.

Immuna a naaresto da Rosalie Selga ken Daniel Flores  iti Baguio Athletic Bowl ket nakumpiska kadakuada ti nasurok 110 kilos a karne ti aso.

Naaresto met da Marcelita Pa-a, Sauro Cordova, Nelson Patacsil, Bryan Anggala ken Pio Montano iti public market ti siudad ket nakumpiska ti lakoda a nakurang a 50 kilos.

Manamnama a makasuan dagiti suspetsa iti panaglabsing iti Republic Act 9482 wenno Anti-Rabies Act of  2007.#

 

Comments are closed.